செய்திக் குறிப்புகள் :
- நெல்லை மாவட்டம் அடையகருங்குளம் ஸ்ரீமன் நாராயண சுவாமி கோவிலில் இருந்து சாமித்தோப்பு பக்தர்கள் பாதயாத்திரை
- பாதயாத்திரை குழு தலைவர் ஆதிநாராயணன் தொடங்கி வைத்தார்
நாராயணா எனும் நாமம் ஓதி, பக்தி சிந்தனையோடு நடந்து சென்று நாராயணனின் காலடி பற்றுகையில் கர்ம வினைகள் போக்கி, தழைத்தோங்கும் வாழ்வுதனை அவன் தருவான் எனும் நம்பிக்கையோடு ஒரு திருத்தலத்தில் இருந்து மற்றொரு திருத்தலத்திற்கு நடந்து செல்வதைதான் பாதயாத்திரை என்கின்றோம்.
திருநெல்வேலி , விக்கிரமசிங்கபுரம்
அடையகருங்குளத்தில் ஆண்டுதோறும் நடக்கக்கூடிய பாதயாத்திரையில் ஏராளமான சாமிதோப்பு பக்தர்கள் கலந்து கொண்டனர் .
அதன்படி இந்த ஆண்டு அடையக்கருங்குலம் ஸ்ரீமன் நாராயண சுவாமி கோவிலில் இருந்து பாதயாத்திரையாக புறப்பட்டனர்.
பாதயாத்திரை குழு தலைவர்கள் ஆதிநாராயணன் , செயலாளர் முத்தையா , பொருளாளர் மூக்கன் , பொறுப்பாளர் சுப்பிரமணியன் ஆகியோர் தலைமை தாங்கினர்.
விக்ரமசிங்கபுரம் சுற்றுவட்டார பகுதியான முதலியார்பட்டி ஆழ்வார்குறிச்சி, பூவன்குறிச்சி ஆறுமுகம் பட்டி , வெயிலு முத்தன்பட்டி புலவன் பட்டி, அகஸ்தியர்பட்டி, கட்டபுள தெரு , கஸ்பாசெட்டிமேடு ஆகிய ஊர்களிலிருந்து மக்கள் சாமிதோப்புக்கு மாலை அணிந்து ராமகோஷம் பாடிக்கொண்டு புறப்பட்டனர்.
பாதயாத்திரைக்கான ஏற்பாடுகளை கிருஷ்ணன் என்ற பாண்டி துளசிராம் மாயாண்டி ராஜன் ஆகியோர் செய்திருந்தனர்
