Logo of Tirunelveli Today

நெல்லையில் தீயணைப்பு வீரர்கள் நடத்திய பேரிடர் மீட்பு ஒத்திகை

September 2, 2022
வாசிப்பு நேரம்: 7 நிமிடங்கள்
No Comments

செய்திக்குறிப்புகள்:

  • தீயணைப்பு மற்றும் மீட்பு துறையினர் சேர்ந்து அடைமழை உள்ளிட்ட பேரிடர் காலங்களில் மக்களுக்கு விழிப்புணர்வு ஏற்படுத்தும் வகையில் மீட்பு ஒத்திகை நடத்தினர்.
  • இந்த பேரிடர் மீட்பு ஒத்திகையில் சேரன்மகாதேவி சார் ஆட்சியர் ரிஷப் தலைமை வகித்தார்.

மக்களுக்கு விழிப்புணர்வு ஏற்படுத்தும் வகையில் அடை மழை உள்ளிட்ட பேரிடர் காலங்களில், விக்ரமசிங்கபுரம் திருவள்ளுவர் நகர் பகுதியில் வியாழக்கிழமை அன்று பேரிடர் ஒத்திகை நடைபெற்றது. தீயணைப்பு மற்றும் மீட்பு துறையினர் சேர்ந்து மீட்பு ஒத்திகையை நடத்திக் காட்டினர்.

சூறைக்காற்று , வெள்ளம், மழை போன்ற இயற்கை இடர்பாடுகளின் போது மக்கள் என்ன செய்ய வேண்டும் என்பதற்கான மக்களுக்கு விழிப்புணர்வு ஏற்படுத்தும் வகையில் இந்த பேரிடர் மீட்பு ஒத்திகை நடத்தப்பட்டது.

அந்த நேரத்தில் எவ்வாறு மீட்பு பணிகளை மேற்கொள்ள வேண்டும் என்று தீயணைப்பு மற்றும் மீட்பு துறையினர் ஒத்திகை செய்து காட்டினார்கள். இந்த நிகழ்ச்சிக்கு சேரன்மகாதேவி சார் ஆட்சியர் ரிஷப் தலைமை வகித்தார்.

அம்பாசமுத்திரம் வட்டாட்சியர் ஆனந்த பிரகாஷ், விக்ரமசிங்கபுரம் நகர்மன்ற தலைவர் செல்வ சுரேஷ் பெருமாள், காவல்துறை கண்காணிப்பாளர் பிரான்சிஸ் , தீயணைப்பு நிலைய அலுவலக ஆணையர் கண்மணி, தீயணைப்பு துறையினர், காவல்துறையினர், நகராட்சி பணியாளர்கள், சுகாதாரத் துறையினர் மற்றும் பொதுமக்கள் அனைவரும் இதில் பங்கேற்றனர்.

Image source: dailydhanthi.com

செய்தி ஆசிரியர்

பாலாக்ஷிதா

லதா குமார், "பாலாக்க்ஷிதா" என்ற புனைபெயரில் தமிழ் எழுத்தாளராக 5 வருடமாக எழுதி வருகிறார்.

வாழ்க்கையின் மலர்ச்சிக்கும் வளர்ச்சிக்கும் தேவையான கருத்துக்கள் பற்றி விவாதிப்பது, பேசுவது, எழுதுவது என்பவை இவருக்கு மிகவும் பிடித்தவை.
தன்னுடைய நற்கருத்துக்கள் மக்களிடத்தில் நல்ல மாற்றத்தை ஏற்படுத்த வேண்டும் என்பதில் தெளிவு கொண்டு எழுதி, அதில் மனநிறைவும் காண்கிறார்.

தமிழின் மீது உள்ள ஆர்வம் காரணமாக, தமிழகத்தை பூர்வீகமாக கொண்ட வெளிநாடு வாழ் இந்திய குழந்தைகளுக்கு மெய்நிகர் வழி இணைய முகப்பில் ஆன்லைன் தமிழ் பாடங்களை கற்று தருகிறார். இதுவரை நான்கு மின் புத்தகங்கள் அமேசான் கிண்டிலில் எழுதி வெளியிட்டுள்ளார்.

"இனிது இனிது வாழ்க்கை இனிதன்றோ!" எனும் புத்தகத்தை கருத்தாக்கம் செய்து, எழுதி, அச்சிட்டு வெளியிட்டு இருக்கிறார். தமிழ் கோரா இணையதளத்தில் “பாலாக்க்ஷிதா” எனும் பெயரில் நிறைய தமிழ் பதிவுகளும், பலரின் வினாக்களுக்கும், ஐயங்களுக்கும் விடை அளித்தும் வருகிறார்.

இவருடைய பதிவுகளை பரிசீலித்து, தமிழ் கோராவின் உயர் நிர்வாகிகள் சமீபத்தில் இவரை 'தமிழ் கோராவின் சிறந்த எழுத்தாளர்' எனும் அங்கீகாரத்தை கொடுத்து கௌரவித்து உள்ளார்கள். தமிழ் கோராவின் ஒலியோடை பகுதியில் பல ஒலிப்பதிவுகளையும் பேசி, பதிவு செய்து வெளியிட உதவியுள்ளார்.

அனைவருக்கும் பயனுள்ள வகையில் தமிழெனும் அழகிய மொழிதனில் தமிழ் சார்ந்த பதிவுகள் நிறைய எழுத வேண்டும் என்பது இவரது மேலான விருப்பம்.

Leave a Reply

Your email address will not be published. Required fields are marked *

எம்மில் தேடுக
இன்றைய பதிவுகள்
1 2 3 20

இதையும் படிக்கலாமே..

இதையும் படிக்கலாமே..

உதவிக்கு அழைக்க
  • ஆட்சியர் அலுவலகம் : 0462-2501035
  • காவல் கட்டுப்பாட்டு அறை : 100
  • போக்குவரத்து காவல்துறை : 103
  • மருத்துவ உதவி எண் : 104
  • தீயணைப்பு துறை : 101
  • ஆம்புலன்ஸ் உதவிக்கு : 108
  • ஆம்புலன்ஸ் (தேசிய நெடுஞ்சாலைகள்) : 1073
  • குழந்தைகள் நலம் : 1098
  • பாலியல் துன்புறுத்தல் : 1091
  • ரயில்வே உதவி எண் : 1512
TIRUNELVELI WEATHER
Copyright © 2022 Tirunelveli Today | All Rights Reserved.
Top file-emptyusertagcalendar-fullclockmagnifiercrosstext-align-justify