மின் சிக்கன விழிப்புணர்வு பற்றிய ஆசிரியர்களுக்கு பயிற்சி முகாம்

நெல்லை மாவட்டம் மாணவர்களுக்கு மின்சார சிக்கனம் பற்றிய விழிப்புணர்வு அவசியம் ஏற்படுத்த வேண்டும் என்ற நோக்கில் ஆசிரியர்களுக்கு பயிற்சி முகாம் நேற்று நடந்தது

தமிழகத்தில் மின்சாரம் பற்றிய விழிப்புணர்வு மற்றும் மின் சிக்கனத்தின் அவசியம் பற்றிய விழிப்புணர்வு ஏற்படுத்தும் விதமாக இந்த நிகழ்வு நடத்தப்பட்டது.

இதற்காக திறன் மேம்பாட்டு குழு என்ற பெயரில் , ஒவ்வொரு பள்ளிகளுக்கும் குழு ஆரம்பிக்கப்பட்டு இருக்கின்றது . அதன் ஒரு பகுதியாக நெல்லை தென்காசி மாவட்டங்களில் உள்ள அரசு மற்றும் அரசு உதவி பெறும் பள்ளி என அந்தந்த பள்ளிகளில் ஆசிரியர்கள் ஒருங்கிணைப்பாளராக நியமிக்கப்பட்டுள்ளனர.

மாணவ மாணவியருக்கு மின் சிக்கனத்தின் அவசியம் குறித்து விழிப்புணர்வு ஏற்படுத்துவதே இந்த திட்டத்தின் நோக்கம். நெல்லை மாவட்டத்தில் 30 பள்ளிகள் மற்றும் தென்காசி மாவட்டத்தில் 20 பள்ளிகள் முதல் கட்டமாக தேர்ந்தெடுக்கப்பட்டுள்ளது.

இந்த பயிற்சி வகுப்பினை மேற்பார்வை பொறியாளர் ராஜன்ராஜ் குத்து விளக்கு ஏற்றில் தொடங்கி வைக்க.‌.மின்வாரிய அதிகாரிகள் சார்பில் நெல்லையில் நேற்று பயிற்சி வகுப்புகள் நடத்தப்பட்டது.

அப்பொழுது அவர் கூறியதாவது;
மின்சார சிக்கனம் பற்றிய மாணவர்களுக்கு விழிப்புணர்வு ஏற்படுத்தும் வகையில் நெல்லை தென்காசி மாவட்டத்தில் எனர்ஜி கிளப் தொடங்கப்பட்டுள்ளது. முதற்கட்டமாக 60 பள்ளிகள் தேர்வு செய்யப்பட்டு ஆசிரியர்கள் நியமிக்கப்பட்டுள்ளனர்

இந்த ஆசிரியர்களுக்கு மின் சிக்கனம் குறித்த பயிற்சி வகுப்பு நடக்கிறது.இவர்கள் மாணவ மாணவிகளை சேர்த்து மின் சிக்கனம் குறித்த விழிப்புணர்வு அவர்களுக்குள் ஏற்படுத்தி, அவர்கள் மூலம் மக்களுக்கும் மின் சிக்கனம் பற்றி அறிய செய்வது என்பது எனர்ஜி கிளப்பின் நோக்கம் என்று கூறினார்.

60 ஆசிரியர்கள் மற்றும் மின் பொறியாளர்கள் பணியாளர்கள் கலந்து கொண்ட இந்த ஒரு நாள் பயிற்சியில் இந்த நிகழ்ச்சியில் உதவி செயற்பொறியாளர்கள் சைலஜா, அமுத்துசாமி மற்றும் செயற்பொறியாளர் வெங்கடேஷ் மணி ஆகியோர் கலந்து கொண்டு மின் சிக்கனம் குறித்த விழிப்புணர்வு பற்றி பேசினார்கள்.

மின்சிக்கன விழிப்புணர்வு குறித்து, அரசு எடுத்திருக்கும் மிகவும் பயனுள்ள இந்த முயற்சி வெற்றிகரமான முறையில் அமைய வேண்டும் என்று திருநெல்வேலி டுடே தன் சார்பாக வாழ்த்து தெரிவிக்கின்றது.

Image source: dailythanthi.com