செய்திக்குறிப்புகள்:
- திருக்குறுங்குடி நம்பி கோவில் பங்குனி திருவிழா.
- ஐந்து கருட சேவை விமரிசையாக நடைபெற்றது.
திருநெல்வேலி மாவட்டம்., திருக்குறுங்குடியில் உள்ளது வைணவ திவ்ய தேச ஸ்தலங்களுள் ஒன்றான அழகிய நம்பிராயர் திருக்கோவில். ஐந்து வடிவங்களில் மஹா விஷ்ணு காட்சித்தரும் இந்த கோவிலின் பங்குனி திருவிழா கடந்த 18/03/2022 அன்று தொடங்கி நடைபெற்று வருகிறது.
இந்த விழாவின் ஐந்தாம் திருநாளான 22/03/2022 நேற்று முன்தினம் இரவில் பிரசித்தி பெற்ற ஐந்து கருட சேவை நிகழ்ச்சி விமரிசையாக நடைபெற்றது. இதில் நின்ற நம்பி, அமர்ந்த நம்பி, கிடந்த நம்பி, திருமலை நம்பி, திருப்பாற்கடல் நம்பி ஆகிய ஐந்து பெருமாள்களும் தனித்தனி கருட வாகனங்களில் எழுந்தருளி உலா வந்து, மேல ரத வீதியில் மேற்குத் தொடர்ச்சி மலை நோக்கி திரும்பி அங்கு வாழும் சித்தர்களுக்கும், முனிவர்களுக்கும் காட்சியளித்தனர்.
இந்த நிகழ்ச்சியில் திரளான பக்தர்கள் கலந்து கொண்டு ஐந்து பெருமாள்களையும் ஓரே நேரத்தில் சேவித்தனர்.
Image source: dailythanthi.com
பாலாக்ஷிதா
லதா குமார், "பாலாக்க்ஷிதா" என்ற புனைபெயரில் தமிழ் எழுத்தாளராக 5 வருடமாக எழுதி வருகிறார்.
வாழ்க்கையின் மலர்ச் சிக்கும் வளர்ச்சிக்கும் தேவையான கருத்துக்கள் பற்றி விவாதிப்பது, பேசுவது, எழுதுவது என்பவை இவருக்கு மிகவும் பிடித்தவை.
தன்னுடைய நற்கருத்துக்கள் மக்களிடத்தில் நல்ல மாற்றத்தை ஏற்படுத்த வேண்டும் என்பதில் தெளிவு கொண்டு எழுதி, அதில் மனநிறைவும் காண்கிறார்.
தமிழின் மீது உள்ள ஆர்வம் காரணமாக, தமிழகத்தை பூர்வீகமாக கொண்ட வெளிநாடு வாழ் இந்திய குழந்தைகளுக்கு மெய்நிகர் வழி இணைய முகப்பில் ஆன்லைன் தமிழ் பாடங்களை கற்று தருகிறார்.
இதுவரை நான்கு மின் புத்தகங்கள் அமேசான் கிண்டிலில் எழுதி வெளியிட்டுள்ளார்.
"இனிது இனிது வாழ்க்கை இனிதன்றோ!" எனும் புத்தகத்தை கருத்தாக்கம் செய்து, எழுதி, அச்சிட்டு வெளியிட்டு இருக்கிறார்.
தமிழ் கோரா இணையதளத்தில் “பாலாக்க்ஷிதா” எனும் பெயரில் நிறைய தமிழ் பதிவுகளும், பலரின் வினாக்களுக்கும், ஐயங்களுக்கும் விடை அளித்தும் வருகிறார்.
இவருடைய பதிவுகளை பரிசீலித்து, தமிழ் கோராவின் உயர் நிர்வாகிகள் சமீபத்தில் இவரை 'தமிழ் கோராவின் சிறந்த எழுத்தாளர்' எனும் அங்கீகாரத்தை கொடுத்து கௌரவித்து உள்ளார்கள்.
தமிழ் கோராவின் ஒலியோடை பகுதியில் பல ஒலிப்பதிவுகளையும் பேசி, பதிவு செய்து வெளியிட உதவியுள்ளார்.
அனைவருக்கும் பயனுள்ள வகையில் தமிழெனும் அழகிய மொழிதனில் தமிழ் சார்ந்த பதிவுகள் நிறைய எழுத வேண்டும் என்பது இவரது மேலான விருப்பம்.
