கொரோனா வந்ததன் விளைவாக திருநெல்வேலி களக்காடு சத்தியவாகீஸ்வரர் கோமதி அம்மன் கோவிலில் வைகாசி திருவிழா கடந்த இரண்டு ஆண்டுகளாக நடைபெறாமல் இருந்து வந்தது.
இந்நிலையில் 2 ஆண்டுகளுக்கு பிறகு கடந்த 3ஆம் தேதி கோவிலில் வைகாசி திருவிழா கொடியேற்றத்துடன் தொடங்கியது. தினமும் காலை மாலையில் சுவாமி அம்பாள் பல்வேறு வாகனங்களில் எழுந்தருளி வீதி உலா சென்று பக்தர்களுக்கு தரிசனமாய் காட்சி தந்து அருள் பாலித்தார்.
8ஆம் திருநாளான நேற்று காலையில் கும்பாபிஷேகம் மதியம் அன்னதானம் என விழாவில் தொடர்ந்து நடராஜர் பச்சை பட்டுஉடுத்தி பச்சை சாத்தி கோலத்தில் எழுந்தருளி வீதி உலா வந்தார்.
பின்னர் கோவிலுக்கு வந்த நடராஜருக்கு தீபாராதனை நடைபெற்று இரவில் பிச்சாண்டவர் கோலத்தில் கங்காளநாதராய் எழுந்தருளினார் .
பின்னர் சந்திரசேகர் சாமிகளும் சத்தியவாகீஸ்வரர் பூங்கோவில் வாகனத்தில் , அம்பாள் கிளி வாகனத்தில் என வீதி உலா சென்று பக்தர்களுக்கு காட்சி தந்தனர்
விழாவில் ஏராளமான பக்தர்கள் கலந்து கொண்டு ஸ்வாமி தரிசனம் செய்தனர். மனிதர்கள் நாடார் சமுதாயத்தினர் ஏற்பாடுகளை செய்திருந்தனர் .9ஆம் திருநாளான இன்று சனிக்கிழமை மதியம் 3 மணிக்கு விழாவின் சிகர நிகழ்ச்சியான தேரோட்டம் நடக்க ஏராளமான பக்தர்கள் சுவாமி தரிசனம் செய்தனர்.
Image source: dailythanthi.com
