சூரிய தேவனின் அனுக்கிரகம் பெற்று கடல் நீரில் இருந்து பிரிந்து- வடிவம் பெற்று திகழ்கின்ற உப்பில் பஞ்சபூத சக்திகளும் அடக்கம் .
கல்உப்பு மகாலட்சுமியின் ஸ்வரூபம் மகா லட்சுமியின் அருளைப் பெற்று வாழ்வினில் சுபிட்சம் பெற -கல்லுப்பு அகல் தீபம் ஏற்றுவது என்பது சுபீட்சம் தரும்.
பெரும் பாறாங்கற்களை போன்ற பல துன்பங்கள் நிறைந்து இருந்தாலும் நம் வாழ்க்கையில் அனைத்தையும் தவிடு பொடியாக்கி பனிபோல் கரைக்கின்ற சக்தி உப்பு கல்லுக்கு உண்டு .
கடல் நீரிலே தோன்றிய உப்பு அனைத்து கண் திருஷ்டிகளும் ,தோஷம் பிணி பயம் , பாவம் அனைத்திலிருந்தும் விடுபட்டு எதிர்மறை சக்திகள் அனைத்தும் விலகி தெய்வத்தின் அனுக்கிரகம் பெறுவதற்கு உப்புக்கல் பரிகாரம் என்பது மிக சிறந்த ஒரு பரிகாரம்.
உடல்நிலை அற்றோர், தோஷம், கண் திருஷ்டி , கெட்ட கனவு வருதல், மனக்குழப்பம் வீட்டில் எப்பொழுதும் சச்சரவு சண்டை என இருந்தால் தொடர்ந்து மூன்று நாட்கள் இவ்வாறு திருஷ்டி சுற்றி வந்தால் நிச்சயம் வாழ்க்கையின் நல்ல நிலை மாற்றத்தை நாமே புரிந்து கொள்வோம்.
வழிமுறையை காண்போம்..
ஒரு குவளையில் முக்கால் பாகம் தண்ணீர் ஊற்றி வாசற்கால் தாண்டி கோலம் போடுகின்ற தெரு வாசலுக்கு உட்புறமாக ஒரு மூலையில் வைத்துவிடவும்.
மாலை ஆறு மணிக்கு மேல் கண்திருஷ்டி கொண்டவரை கிழக்கு முகமாக பார்த்தவாறு உட்கார வைக்க வேண்டும். நம்முடைய இரு கைகளாலும் கல் உப்பை அள்ளிக் கொண்டு, வலது புறமாக மூன்று முறையும் இடது புறமாக மூன்று முறையும் அனைத்து திருஷ்டிகளும் போக வேண்டுமென்று மனதிலே நன்றாக நினைத்து நன்றாக தலையை சுற்றி கொண்டு சென்று வெளியிலே வைத்திருக்கும் அந்த குவளையில் உப்புக்கல்லை கொட்டவும்..
பிறகு மறுநாள் தெருவிலே எடுத்துச்சென்று கால் படாத இடத்தில் ஓரமாக ஊற்றி விடலாம் . கண் திருஷ்டிகள் அனைத்தும் விலக இந்த பரிகாரம் நல்ல பலனைத் தரும் .
வீட்டில் உள்ள எதிர்மறை சக்திகள் விலகி வீட்டில் எப்பொழுதும் நேர்மறை சக்திகள் நிறைந்து இருக்க உப்பு ஒன்று நமக்கு நல்ல பரிகாரமாய் அமையும். இப்படிப்பட்ட வழிமுறைகளை தெரிந்து கொண்டு வாழ்வினில் வளம் காணுங்கள்.
Image source: dheivegam.com
