சபாநாயகர் அடிக்கல் நாட்ட வள்ளியூரில் ரூ 12. 13 கோடி புதிய பஸ் நிலையம்

நெல்லை மாவட்டம் அரசு கவனம் ஏற்று பல்வேறு துறைகளில் முன்னேற்றம் கண்டு வருகிறது. அப்படி வளர்ந்து வரும் ஊர்களில் வள்ளியூர் நகர பஞ்சாயத்தும் ஒன்று.

கலைஞர் நகர்ப்புற மேம்பாட்டு திட்டத்தின் கீழ் ரூபாய் 12.13 கோடி
வள்ளியூர் பஸ் நிலையத்தை நவீன மயமாக்க புதிய கட்டிடம் கட்டுவதற்கு நிதி ஒதுக்கீடு செய்யப்பட்டது.

நெல்லை மாவட்ட கலெக்டர் விஷ்ணு தலைமை தாங்க, அடிக்கல் நாட்டு விழா நேற்று வள்ளியூர் பஸ் நிலையம் கீழ்பகுதியில் நடந்தது.

மாவட்ட பஞ்சாயத்து தலைவர் வி.எஸ். ஆர். ஜெகதீஷ் , நகர பஞ்சாயத்துக்களின் உதவி இயக்குனர் மாகின் அபூபக்கர் ஆகியோர் முன்னிலை வகிக்க, வள்ளியூர் நகர பஞ்சாயத்து தலைவர் ராதாகிருஷ்ணன் வரவேற்றார்‌.

சபாநாயகர் அப்பாவு புதிய கட்டிடத்திற்கான பூமி பூஜையை அடிக்கல் நாட்டி தொடங்கி வைதது அவர் பேசியதாவது ..

வணிக வளாகம் , கட்டண கழிப்பதை இலவச கழிப்பதை , தாய்மார்களுக்கு வசதி போன்ற அனைத்து வசதிகளுடன் கூடிய நவீன பஸ் நிலையம் அமைக்கப்படும்.

271 கோடி ரூபாய் மதிப்பீட்டில் கூட்டுக் குடிநீர் திட்டப்பணிகள் திருக்குறுங்குடி, ஏர்வாடி, வள்ளியூர், பணகுடி ஆகிய
பஞ்சாயத்து மக்கள் பயன்பெறும் வகையில மேற்கொள்ளப்பட இருக்கிறது. மேலும் …

பஸ் நிலையத்தில் கடைவைத்திருகும் 47 வியாபாரிகளுக்கு குடவோலை முறையில் ஒதுக்கீடு , வள்ளியூரில் விரைவில் அரசு கலைக்கல்லூரி, வள்ளியூர் நான்கு வழிச்சாலையில் கேசவநேரி சந்திப்பில் மேம்பாலம் கட்ட நடவடிக்கை, அரசு மருத்துவமனை மாவட்ட தலைமை மருத்துவமனையாக 40 கோடி ரூபாய் மதிப்பீட்டில் கட்டமைப்பு வசதிகள் ….என அனைத்து நடவடிக்கையும் எடுக்கப்படும்‌ என்று அப்பாவு தெரிவித்தார்

நிகழ்ச்சியில் துணைத்தலைவர் கண்ணன் , ராதாபுரம் மேற்கு ஒன்றிய திமுக தலைவர் ஜோசப் பெல்சி , சுகாதார ஆய்வாளர் ஆறுமுகம், சுகாதார மேற்பார்வையாளர்
டேனியல் , நகர இளைஞரணி அமைப்பாளர் தில்லை ராஜா. திமுக பிரமுகர் நம்பி மற்றும் நகர பஞ்சாயத்து கவுன்சிலர்கள் உட்பட பலர் கலந்து கொண்ட இந்த நிகழ்ச்சியில் வள்ளியூர் நகர பஞ்சாயத்து செயல் அலுவலர் சுஷ்மா நன்றி கூறினார்

Image source: Dailythanthi.com