செய்திக்குறிப்புகள்:
- திருநெல்வேலி மாவட்டம் முழுவதும் போலியோ சொட்டு மருந்து முகாம்.
- மாவட்டத்தில் 135174 குழந்தைகளுக்கு போலியோ மருந்து செலுத்தப்பட்டுள்ளது.
திருநெல்வேலி மாவட்டம் முழுவதும் நேற்று பல்வேறு இடங்களில் போலியோ தடுப்பு முகாம் நடைபெற்றது. இதில் ஐந்து வயதிற்கு உட்பட்ட 135174 குழந்தைகளுக்கு போலியோ சொட்டு மருந்து செலுத்தப்பட்டுள்ளதாக தெரிவிக்கப்பட்டுள்ளது.
நேற்று மாவட்டத்தில் உள்ள நகரங்களின் முக்கிய இடங்களான பேருந்து நிலையம், ரயில் நிலையம், அரசு மருத்துவமனை மற்றும் பொது மக்கள் அதிகம் கூடும் இடங்கள் ஆகியவற்றிலும், ஊராட்சி, பஞ்சாயத்து பகுதிகளில் உள்ள அரசு அலுவலகங்கள், ஆரம்ப சுகாதார நிலையங்கள் ஆகியவற்றிலும் என பல்வேறு இடங்களிலும் போலியோ தடுப்பு முகாம் நடைபெற்றது குறிப்பிடத்தக்கது.
பாலாக்ஷிதா
லதா குமார், "பாலாக்க்ஷிதா" என்ற புனைபெயரில் தமிழ் எழுத்தாளராக 5 வருடமாக எழுதி வருகிறார்.
வாழ்க்கையின் மலர்ச் சிக்கும் வளர்ச்சிக்கும் தேவையான கருத்துக்கள் பற்றி விவாதிப்பது, பேசுவது, எழுதுவது என்பவை இவருக்கு மிகவும் பிடித்தவை.
தன்னுடைய நற்கருத்துக்கள் மக்களிடத்தில் நல்ல மாற்றத்தை ஏற்படுத்த வேண்டும் என்பதில் தெளிவு கொண்டு எழுதி, அதில் மனநிறைவும் காண்கிறார்.
தமிழின் மீது உள்ள ஆர்வம் காரணமாக, தமிழகத்தை பூர்வீகமாக கொண்ட வெளிநாடு வாழ் இந்திய குழந்தைகளுக்கு மெய்நிகர் வழி இணைய முகப்பில் ஆன்லைன் தமிழ் பாடங்களை கற்று தருகிறார்.
இதுவரை நான்கு மின் புத்தகங்கள் அமேசான் கிண்டிலில் எழுதி வெளியிட்டுள்ளார்.
"இனிது இனிது வாழ்க்கை இனிதன்றோ!" எனும் புத்தகத்தை கருத்தாக்கம் செய்து, எழுதி, அச்சிட்டு வெளியிட்டு இருக்கிறார்.
தமிழ் கோரா இணையதளத்தில் “பாலாக்க்ஷிதா” எனும் பெயரில் நிறைய தமிழ் பதிவுகளும், பலரின் வினாக்களுக்கும், ஐயங்களுக்கும் விடை அளித்தும் வருகிறார்.
இவருடைய பதிவுகளை பரிசீலித்து, தமிழ் கோராவின் உயர் நிர்வாகிகள் சமீபத்தில் இவரை 'தமிழ் கோராவின் சிறந்த எழுத்தாளர்' எனும் அங்கீகாரத்தை கொடுத்து கௌரவித்து உள்ளார்கள்.
தமிழ் கோராவின் ஒலியோடை பகுதியில் பல ஒலிப்பதிவுகளையும் பேசி, பதிவு செய்து வெளியிட உதவியுள்ளார்.
அனைவருக்கும் பயனுள்ள வகையில் தமிழெனும் அழகிய மொழிதனில் தமிழ் சார்ந்த பதிவுகள் நிறைய எழுத வேண்டும் என்பது இவரது மேலான விருப்பம்.
