திருநெல்வேலி மாவட்ட ஆட்சித்தலைவர் அலுவலக வளாகத்தில் நேற்று கொத்தடிமை தொழிலாளர் முறை ஒழிப்பு தினத்தை ஒட்டி மாவட்ட வருவாய் அலுவலர் பெருமாள் தலைமையில் அரசு அலுவலர்கள் கொத்தடிமை தொழிலாளர் முறை ஒழிப்பு உறுதிமொழி ஏற்றுக் கொண்டனர். இந்த நிகழ்ச்சியில் மாவட்ட ஆட்சித்தலைவரின் நேர்முக உதவியாளர்கள் (பொது) கணேஷ்குமார், (நிலப்பிரிவு) ஷேக் அயூப்கான், கலெக்டர் அலுவலக மேலாளர் வெங்கடாசலம் உள்ளிட்ட அலுவலர்கள் பலர் கலந்து கொண்டனர்.
இதேபோன்று திருநெல்வேலி மாநகராட்சி அலுவலகத்தில் உதவி ஆணையாளர் (நிர்வாகம்) வெங்கட்ராமன் தலைமையிலும், மாநகர காவல்துறை ஆணையாளர் அலுவலகத்தில் காவல் ஆணையாளர் திரு.துரைக்குமார் தலைமையிலும், மாவட்ட காவல்துறை கண்காணிப்பாளர் அலுவலகத்தில் காவல்துறை கண்காணிப்பாளர் திரு.சரவணன் தலைமையிலும் அரசு அலுவலர்கள் கொத்தடிமை தொழிலாளர் முறை ஒழிப்பு தின உறுதிமொழி ஏற்றுக்கொண்டனர்.
