Logo of Tirunelveli Today

சபாநாயகர் அப்பாவு தலைமையில் புதிய தாலுகா அலுவலகம்

August 5, 2022
வாசிப்பு நேரம்: 7 நிமிடங்கள்
No Comments

செய்திக்குறிப்புகள்:

  • நெல்லை மாவட்டம் திசையன்விளையில் புதிய தாலுகா அலுவலக திறப்பு விழா நடைபெற்றது.
  • தாலுகா திறப்பு விழாவில் சபாநாயகர் அப்பாவு பங்கேற்று தலைமை தாங்கினார்.

திருநெல்வேலி மாவட்டம் திசையன்விளையில் சபாநாயகர் அப்பாவு தலைமையில் புதிய தாலுகா அலுவலக திறப்பு விழா நடைபெற்றது.

திசையன்விளை கால்நடை மருத்துவமனை அருகில் புதிய தாலுகா அலுவலகம் ரூ 3 கோடியே 5 லட்சம் ரூபாய் செலவில் கட்டப்பட்டு வந்தது. அதற்கான பணி முடிவடைந்த நிலையில் கட்டட திறப்பு விழா நேற்று நடைபெற்றது.

முதல் அமைச்சர் மு. க. ஸ்டாலின் சென்னையில் இருந்தவாறு காணொளி காட்சி மூலம் புதிய தாலுகா அலுவலகத்தை திறந்து வைத்தார். அதனைத் தொடர்ந்து சபாநாயகர் அப்பாவு குத்து விளக்கு ஏற்றி வாழ்த்துரை பேசினார் .

அப்போது சபாநாயகர் அப்பாவு கூறியதாவது;

ஆங்கில வழி பள்ளிகளுக்கு இணையாக அரசு பள்ளிகளும் செயல்பட வேண்டும் என்ற உயர்ந்த நோக்கம் கொண்டு செயல்பட்டு வருகிறோம். ராதாபுரம் தொகுதியில் உள்ள அனைத்து ஆரம்பம் மற்றும் நடுநிலைப் பள்ளிகளுக்கு சட்டமன்ற உறுப்பினர் தொகுதி மேம்பாட்டு நிதியில் இருந்து ஸ்மார்ட் வகுப்புகள் கட்டிக் கொடுக்கப்பட உள்ளது.

அரசு மேல்நிலைப் பள்ளிகளுக்கு எனது சொந்த நிதியில் இருந்து ஸ்மார்ட் வகுப்பறைகள் கட்டிதரப்படும். அதேபோல அரசு உதவி பெறும் பள்ளிகளுக்கு, கூடங்குளம் அனுமின் நிலையம் மற்றும் பிற நிறுவனங்களின் சமூகப் பொறுப்பு நிதியில் இருந்து ஸ்மார்ட் வகுப்பறைகள் கட்டிதரப்படும் என்று அப்பாவு தெரிவித்தார்.

விழாவில் மாவட்ட பஞ்சாயத்து தலைவர் வி. எஸ் . ஆர் ஜெகதீஷ், மாவட்ட வருவாய் அலுவலர் ஜெயஸ்ரீ, தாசில்தார் செல்வகுமார், வருவாய் ஆய்வாளர் துரைசாமி ,சமூக பாதுகாப்பு திட்ட தாசில்தார் பத்மப்ரியா, திசையன்விளை பேரூராட்சி கவுன்சிலர் கமலா சுயம்பு ராஜன், தொழிலதிபர் தங்கையா கணேசன், பள்ளி தாளாளர் சுயம்பு ராஜன், குமாரபுரம் பஞ்சாயத்து தலைவர் அனிதா பிரின்ஸ் உட்பட பலர் இந்த விழாவில் பங்கேற்றனர்.

Image source: dailythanthi.com

செய்தி ஆசிரியர்

பாலாக்ஷிதா

லதா குமார், "பாலாக்க்ஷிதா" என்ற புனைபெயரில் தமிழ் எழுத்தாளராக 5 வருடமாக எழுதி வருகிறார்.

வாழ்க்கையின் மலர்ச்சிக்கும் வளர்ச்சிக்கும் தேவையான கருத்துக்கள் பற்றி விவாதிப்பது, பேசுவது, எழுதுவது என்பவை இவருக்கு மிகவும் பிடித்தவை.
தன்னுடைய நற்கருத்துக்கள் மக்களிடத்தில் நல்ல மாற்றத்தை ஏற்படுத்த வேண்டும் என்பதில் தெளிவு கொண்டு எழுதி, அதில் மனநிறைவும் காண்கிறார்.

தமிழின் மீது உள்ள ஆர்வம் காரணமாக, தமிழகத்தை பூர்வீகமாக கொண்ட வெளிநாடு வாழ் இந்திய குழந்தைகளுக்கு மெய்நிகர் வழி இணைய முகப்பில் ஆன்லைன் தமிழ் பாடங்களை கற்று தருகிறார். இதுவரை நான்கு மின் புத்தகங்கள் அமேசான் கிண்டிலில் எழுதி வெளியிட்டுள்ளார்.

"இனிது இனிது வாழ்க்கை இனிதன்றோ!" எனும் புத்தகத்தை கருத்தாக்கம் செய்து, எழுதி, அச்சிட்டு வெளியிட்டு இருக்கிறார். தமிழ் கோரா இணையதளத்தில் “பாலாக்க்ஷிதா” எனும் பெயரில் நிறைய தமிழ் பதிவுகளும், பலரின் வினாக்களுக்கும், ஐயங்களுக்கும் விடை அளித்தும் வருகிறார்.

இவருடைய பதிவுகளை பரிசீலித்து, தமிழ் கோராவின் உயர் நிர்வாகிகள் சமீபத்தில் இவரை 'தமிழ் கோராவின் சிறந்த எழுத்தாளர்' எனும் அங்கீகாரத்தை கொடுத்து கௌரவித்து உள்ளார்கள். தமிழ் கோராவின் ஒலியோடை பகுதியில் பல ஒலிப்பதிவுகளையும் பேசி, பதிவு செய்து வெளியிட உதவியுள்ளார்.

அனைவருக்கும் பயனுள்ள வகையில் தமிழெனும் அழகிய மொழிதனில் தமிழ் சார்ந்த பதிவுகள் நிறைய எழுத வேண்டும் என்பது இவரது மேலான விருப்பம்.

Leave a Reply

Your email address will not be published. Required fields are marked *

எம்மில் தேடுக
இன்றைய பதிவுகள்
1 2 3 20

இதையும் படிக்கலாமே..

இதையும் படிக்கலாமே..

உதவிக்கு அழைக்க
  • ஆட்சியர் அலுவலகம் : 0462-2501035
  • காவல் கட்டுப்பாட்டு அறை : 100
  • போக்குவரத்து காவல்துறை : 103
  • மருத்துவ உதவி எண் : 104
  • தீயணைப்பு துறை : 101
  • ஆம்புலன்ஸ் உதவிக்கு : 108
  • ஆம்புலன்ஸ் (தேசிய நெடுஞ்சாலைகள்) : 1073
  • குழந்தைகள் நலம் : 1098
  • பாலியல் துன்புறுத்தல் : 1091
  • ரயில்வே உதவி எண் : 1512
TIRUNELVELI WEATHER
Copyright © 2022 Tirunelveli Today | All Rights Reserved.
Top file-emptyusertagcalendar-fullclockmagnifiercrosstext-align-justify