நெல்லையப்பர் காந்தி அம்மன் கோவிலில் ஆவணி மூலத் திருவிழா

August 26, 2022

வாசிப்பு நேரம்: 7 நிமிடங்கள்

No Comments

திருநெல்வேலி மாவட்டம் நெல்லையப்பர் காந்தி அம்மன் கோவிலில் 26- 8- 2022 வெள்ளிக்கிழமை அன்று ஆவணி மூலத் திருவிழா கொடியேற்றத்துடன் தொடங்குகின்றது

கீரனூரில் பிறந்த கருவூர் சித்தர் பல சிவன் கோவில்களுக்கு சென்று கடைசியாக திருநெல்வேலி அடைகிறார் .சூரியனின் அருள் பெற்றவர் நெல்லையப்பரை தரிசிக்கும் நேரத்தில் சுவாமி அவரிடம் பேசவில்லை. அதனால் கோபம் கொண்டு" ஈசன் இந்த இடத்தில் கிடையாது. இங்கே எருக்கு செடிகள் எழட்டும்" என்று சாபம் விட்டுவிட்டு மானூர் சென்று விடுகிறார்.

பிறகு நெல்லையப்பர் ரிஷப வாகனத்தில் எழுந்தருளி சித்தருக்கு காட்சி தருகிறார் . அவர் எழுந்தருளிய நாளே ஆவணி மூல திருநாள் என்பதால் ஆண்டுதோறும் ஆவணி மூலத் திருவிழா மிகவும் சிறப்பாக நெல்லையப்பர் கோவிலில் கொண்டாடப்படுகின்றது.

இந்த வருடத்திற்கான ஆவணி மூல திருவிழா 26- 8 - 2022 வெள்ளிக்கிழமை அன்று தொடங்குகிறது . காலை 7.30 மணி முதல் 9:00 மணிக்குள் கொடியேற்றம், 29ஆம் தேதி இரவு 8 மணிக்கு சுவாமி அம்மன் வெள்ளி ரிஷப வாகன உலா, விநாயகர் வெள்ளி மூஞ்சூறு வாகன உலா, சண்டிகேஸ்வரர் சப்பரத்தில் உலா, சுப்பிரமணியர் மயில்வாகனம் மற்றும் பஞ்ச மூர்த்திகள் அனைவரும் திருநெல்வேலி நகரில் நான்கு ரத வீதிகளில் வீதி உலா வர இருக்கின்றனர் .

மேலும் தொடர்ந்து பல நாட்கள் விழா நிகழ இருக்கின்றது.

கோவிலுக்கு வரும் ஏராளமான பக்தர்களுக்கு தேவையான பாதுகாப்பான நடவடிக்கைகள் அனைத்தும் மேற்கொள்ளப்பட்டு இருக்கின்றன. விழாவின் ஏற்பாடுகளை கோவில் செயல் அலுவலர் சிவமணி மற்றும் கோவில் நிர்வாகிகள் ஊழியர்கள் செய்து வருகின்றனர்.

செய்தி ஆசிரியர்

பாலாக்ஷிதா

லதா குமார், "பாலாக்க்ஷிதா" என்ற புனைபெயரில் தமிழ் எழுத்தாளராக 5 வருடமாக எழுதி வருகிறார்.

வாழ்க்கையின் மலர்ச்சிக்கும் வளர்ச்சிக்கும் தேவையான கருத்துக்கள் பற்றி விவாதிப்பது, பேசுவது, எழுதுவது என்பவை இவருக்கு மிகவும் பிடித்தவை.
தன்னுடைய நற்கருத்துக்கள் மக்களிடத்தில் நல்ல மாற்றத்தை ஏற்படுத்த வேண்டும் என்பதில் தெளிவு கொண்டு எழுதி, அதில் மனநிறைவும் காண்கிறார்.

தமிழின் மீது உள்ள ஆர்வம் காரணமாக, தமிழகத்தை பூர்வீகமாக கொண்ட வெளிநாடு வாழ் இந்திய குழந்தைகளுக்கு மெய்நிகர் வழி இணைய முகப்பில் ஆன்லைன் தமிழ் பாடங்களை கற்று தருகிறார். இதுவரை நான்கு மின் புத்தகங்கள் அமேசான் கிண்டிலில் எழுதி வெளியிட்டுள்ளார்.

"இனிது இனிது வாழ்க்கை இனிதன்றோ!" எனும் புத்தகத்தை கருத்தாக்கம் செய்து, எழுதி, அச்சிட்டு வெளியிட்டு இருக்கிறார். தமிழ் கோரா இணையதளத்தில் “பாலாக்க்ஷிதா” எனும் பெயரில் நிறைய தமிழ் பதிவுகளும், பலரின் வினாக்களுக்கும், ஐயங்களுக்கும் விடை அளித்தும் வருகிறார்.

இவருடைய பதிவுகளை பரிசீலித்து, தமிழ் கோராவின் உயர் நிர்வாகிகள் சமீபத்தில் இவரை 'தமிழ் கோராவின் சிறந்த எழுத்தாளர்' எனும் அங்கீகாரத்தை கொடுத்து கௌரவித்து உள்ளார்கள். தமிழ் கோராவின் ஒலியோடை பகுதியில் பல ஒலிப்பதிவுகளையும் பேசி, பதிவு செய்து வெளியிட உதவியுள்ளார்.

அனைவருக்கும் பயனுள்ள வகையில் தமிழெனும் அழகிய மொழிதனில் தமிழ் சார்ந்த பதிவுகள் நிறைய எழுத வேண்டும் என்பது இவரது மேலான விருப்பம்.