Logo of Tirunelveli Today

அரசு விடுதியில் கல்லூரி மாணவிகள் விண்ணப்பிக்கலாம் மாவட்ட ஆட்சியாளர் தகவல்

September 1, 2022
வாசிப்பு நேரம்: 7 நிமிடங்கள்
No Comments

செய்திக்குறிப்புகள்:

  • நெல்லை மாவட்டம் கல்லூரி மாணவிகள் அரசு விடுதிகளில் சேர்வதற்கு விண்ணப்பிக்கலாம்.
  • பட்டப்படிப்பு, பட்ட மேற்படிப்பு தகுதி உடையவர்கள் விடுதிகளில் விகிதாசார அடிப்படையில் சேர்த்துக் கொள்ளப்படுவார்கள் என்று மாவட்ட ஆட்சியாளர் அறிவிப்பு.

திருநெல்வேலி மாவட்டம் கல்லூரி மாணவிகள் அரசு விடுதிகளில் சேர விண்ணப்பிக்கலாம் என்று மாவட்ட ஆட்சியாளர் விஷ்ணு அறிவித்துள்ளார். பிற்படுத்தப்பட்டோர், மிகவும் பிற்படுத்தப்பட்டோர் சிறுபான்மையினர் அரசு பள்ளி மாணவிகள் விடுதிகளில் கல்லூரி மாணவிகளுக்கான சேர்க்கை நடைபெற இருக்கிறது .

பாளையங்கோட்டை, நல்லம்மாள்புரம், அம்பை உள்ள பிற்படுத்தப்பட்ட வகுப்பினர் அரசு பள்ளி மாணவிகள் விடுதிகள், மற்றும் கூட்டப்புளியில் உள்ள மிகவும் பிற்படுத்தப்பட்ட வகுப்பினர் அரசு பள்ளி மாணவிகள் விடுதி இவற்றில் காலியான இடங்கள் உள்ளது. பட்டப்படிப்பு , பட்ட மேற்படிப்பு படிக்கும் தகுதி உடைய மாணவிகள் இந்த விடுதிகளில் விகிதாசார அடிப்படையில் சேர்த்துக் கொள்ளப்படுவார்கள்.

பெற்றோர்களின் ஆண்டு வருமானம் 2 லட்சத்திற்கு மிகாமல் இருந்தால் மட்டுமே மாணவிகள் இந்த விடுதிகளில் சேர்ப்பதற்கு அனுமதிக்கப்படுவார்கள். அதற்கான தகுதியுடைய மாணவிகள் விண்ணப்பங்களை பூர்த்தி செய்து மாவட்ட ஆட்சியாளர் அலுவலகத்தில் மற்றும் சம்பந்தப்பட்ட விடுதி காப்பாளரிடம் கொடுக்க வேண்டும்.

மாவட்ட ஆட்சியாளர் அலுவலகத்தில் உள்ள பிற்படுத்தப்பட்டோர் மற்றும் சிறுபான்மையினர் நல அலுவலகத்தில், மற்றும் சம்பந்தப்பட்ட விடுதி காப்பாளரிடம் இதற்கான விண்ணப்ப படிவங்களை இலவசமாக பெற்றுக் கொள்ளலாம்.

மாணவிகள் தங்களுடைய ஜாதி மற்றும் பெற்றோர் ஆண்டு வருமானம் குறித்த சான்றிதழ்களை விண்ணப்பம் நகலோடு பதிவு செய்ய வேண்டும். அரசின் இந்த சலுகையை பள்ளி மற்றும் கல்லூரிகளில் படிக்கும் மாணவிகள் பயன்படுத்திக் கொள்ளுமாறு கேட்டுக்கொள்ளப்படுகிறார்கள் என்று மாவட்ட ஆட்சியாளர் விஷ்ணு அறிவித்துள்ளார்.

Image source: dailydhanthi.com

செய்தி ஆசிரியர்

பாலாக்ஷிதா

லதா குமார், "பாலாக்க்ஷிதா" என்ற புனைபெயரில் தமிழ் எழுத்தாளராக 5 வருடமாக எழுதி வருகிறார்.

வாழ்க்கையின் மலர்ச்சிக்கும் வளர்ச்சிக்கும் தேவையான கருத்துக்கள் பற்றி விவாதிப்பது, பேசுவது, எழுதுவது என்பவை இவருக்கு மிகவும் பிடித்தவை.
தன்னுடைய நற்கருத்துக்கள் மக்களிடத்தில் நல்ல மாற்றத்தை ஏற்படுத்த வேண்டும் என்பதில் தெளிவு கொண்டு எழுதி, அதில் மனநிறைவும் காண்கிறார்.

தமிழின் மீது உள்ள ஆர்வம் காரணமாக, தமிழகத்தை பூர்வீகமாக கொண்ட வெளிநாடு வாழ் இந்திய குழந்தைகளுக்கு மெய்நிகர் வழி இணைய முகப்பில் ஆன்லைன் தமிழ் பாடங்களை கற்று தருகிறார். இதுவரை நான்கு மின் புத்தகங்கள் அமேசான் கிண்டிலில் எழுதி வெளியிட்டுள்ளார்.

"இனிது இனிது வாழ்க்கை இனிதன்றோ!" எனும் புத்தகத்தை கருத்தாக்கம் செய்து, எழுதி, அச்சிட்டு வெளியிட்டு இருக்கிறார். தமிழ் கோரா இணையதளத்தில் “பாலாக்க்ஷிதா” எனும் பெயரில் நிறைய தமிழ் பதிவுகளும், பலரின் வினாக்களுக்கும், ஐயங்களுக்கும் விடை அளித்தும் வருகிறார்.

இவருடைய பதிவுகளை பரிசீலித்து, தமிழ் கோராவின் உயர் நிர்வாகிகள் சமீபத்தில் இவரை 'தமிழ் கோராவின் சிறந்த எழுத்தாளர்' எனும் அங்கீகாரத்தை கொடுத்து கௌரவித்து உள்ளார்கள். தமிழ் கோராவின் ஒலியோடை பகுதியில் பல ஒலிப்பதிவுகளையும் பேசி, பதிவு செய்து வெளியிட உதவியுள்ளார்.

அனைவருக்கும் பயனுள்ள வகையில் தமிழெனும் அழகிய மொழிதனில் தமிழ் சார்ந்த பதிவுகள் நிறைய எழுத வேண்டும் என்பது இவரது மேலான விருப்பம்.

Leave a Reply

Your email address will not be published. Required fields are marked *

எம்மில் தேடுக
இன்றைய பதிவுகள்
1 2 3 21

இதையும் படிக்கலாமே..

இதையும் படிக்கலாமே..

உதவிக்கு அழைக்க
  • ஆட்சியர் அலுவலகம் : 0462-2501035
  • காவல் கட்டுப்பாட்டு அறை : 100
  • போக்குவரத்து காவல்துறை : 103
  • மருத்துவ உதவி எண் : 104
  • தீயணைப்பு துறை : 101
  • ஆம்புலன்ஸ் உதவிக்கு : 108
  • ஆம்புலன்ஸ் (தேசிய நெடுஞ்சாலைகள்) : 1073
  • குழந்தைகள் நலம் : 1098
  • பாலியல் துன்புறுத்தல் : 1091
  • ரயில்வே உதவி எண் : 1512
TIRUNELVELI WEATHER
Copyright © 2023 Tirunelveli Today | All Rights Reserved.
Top file-emptyusertagcalendar-fullclockmagnifiercrosstext-align-justify