Logo of Tirunelveli Today

ஆழ்வார்திருநகரியில் நம்மாழ்வார் தெப்பத்திருவிழா கோலாகலம்!

February 23, 2022
வாசிப்பு நேரம்: 7 நிமிடங்கள்
No Comments
செய்திக்குறிப்புகள்:

  • ஆழ்வார்திருநகரியில் நம்மாழ்வார் பெருமாளுக்கு நிகரான அந்தஸ்தில் போற்றப்படுகிறார்.
  • தெப்பத்தில் எழுந்தருளி நம்மாழ்வார் வலம் வந்து சேவை சாதித்தார்.

திருநெல்வேலி அருகே தாமிரபரணி ஆற்றின்கரையில் அமையப்பெற்றுள்ள நவதிருப்பதி கோவில்களில் 9-வது திருப்பதியும், 108 திவ்ய தேசங்களில் ஒன்றாக விளங்குவதுமான ஆழ்வார்திருநகரி ஆதிநாதர் பெருமாள் / நம்மாழ்வார் திருக்கோவிலில் மாசித் திருவிழா கடந்த 12/02/2022 அன்று கொடியேற்றத்துடன் துவங்கி நடைபெற்று வருகிறது.

பெருமாளுக்கு நிகராக தனி பெரும் அந்தஸ்துடன் இங்கு எழுந்தருளியிருக்கும் நம்மாழ்வார் இந்த ஸ்தலத்தின் சிறப்பு மூர்த்தி ஆவார். இந்த நம்மாழ்வார் திருமேனி தாமிரபரணியில் இருந்து மாசி மாதம் விசாக நட்சத்திரத்தன்று சுயம்பு மூர்த்தமாக கிடைக்கப்பெற்றது. இதனை ஒட்டி மாசி மாதத்தில் பதிமூன்று நாட்கள் திருவிழா வருடம் தோறும் விமரிசையாக இங்கு நடைபெற்று வருவது சிறப்பம்சம் ஆகும்.

மாசி திருவிழாவின் பன்னிரெண்டாம் இருநாளான நேற்று மாலை சுவாமி நம்மாழ்வார் சிறப்பு அலங்காரத்தில் கோவிலில் இருந்து புறப்பட்டு, தெப்பக்குளத்தில் அலங்கரிக்கப்பட்ட தெப்பத்தேரில் எழுந்தருளி தெப்பத்தில் வலம் வந்து சேவை சாதித்து அருளினார். இதில் திரளான பக்தர்கள் கலந்து கொண்டு சுவாமி தரிசனம் செய்து வழிபட்டனர்.

Image source: dailythanthi.com

செய்தி ஆசிரியர்

பாலாக்ஷிதா

லதா குமார், "பாலாக்க்ஷிதா" என்ற புனைபெயரில் தமிழ் எழுத்தாளராக 5 வருடமாக எழுதி வருகிறார்.

வாழ்க்கையின் மலர்ச்சிக்கும் வளர்ச்சிக்கும் தேவையான கருத்துக்கள் பற்றி விவாதிப்பது, பேசுவது, எழுதுவது என்பவை இவருக்கு மிகவும் பிடித்தவை.
தன்னுடைய நற்கருத்துக்கள் மக்களிடத்தில் நல்ல மாற்றத்தை ஏற்படுத்த வேண்டும் என்பதில் தெளிவு கொண்டு எழுதி, அதில் மனநிறைவும் காண்கிறார்.

தமிழின் மீது உள்ள ஆர்வம் காரணமாக, தமிழகத்தை பூர்வீகமாக கொண்ட வெளிநாடு வாழ் இந்திய குழந்தைகளுக்கு மெய்நிகர் வழி இணைய முகப்பில் ஆன்லைன் தமிழ் பாடங்களை கற்று தருகிறார். இதுவரை நான்கு மின் புத்தகங்கள் அமேசான் கிண்டிலில் எழுதி வெளியிட்டுள்ளார்.

"இனிது இனிது வாழ்க்கை இனிதன்றோ!" எனும் புத்தகத்தை கருத்தாக்கம் செய்து, எழுதி, அச்சிட்டு வெளியிட்டு இருக்கிறார். தமிழ் கோரா இணையதளத்தில் “பாலாக்க்ஷிதா” எனும் பெயரில் நிறைய தமிழ் பதிவுகளும், பலரின் வினாக்களுக்கும், ஐயங்களுக்கும் விடை அளித்தும் வருகிறார்.

இவருடைய பதிவுகளை பரிசீலித்து, தமிழ் கோராவின் உயர் நிர்வாகிகள் சமீபத்தில் இவரை 'தமிழ் கோராவின் சிறந்த எழுத்தாளர்' எனும் அங்கீகாரத்தை கொடுத்து கௌரவித்து உள்ளார்கள். தமிழ் கோராவின் ஒலியோடை பகுதியில் பல ஒலிப்பதிவுகளையும் பேசி, பதிவு செய்து வெளியிட உதவியுள்ளார்.

அனைவருக்கும் பயனுள்ள வகையில் தமிழெனும் அழகிய மொழிதனில் தமிழ் சார்ந்த பதிவுகள் நிறைய எழுத வேண்டும் என்பது இவரது மேலான விருப்பம்.

Leave a Reply

Your email address will not be published. Required fields are marked *

எம்மில் தேடுக

இதையும் படிக்கலாமே..

இதையும் படிக்கலாமே..

உதவிக்கு அழைக்க
  • ஆட்சியர் அலுவலகம் : 0462-2501035
  • காவல் கட்டுப்பாட்டு அறை : 100
  • போக்குவரத்து காவல்துறை : 103
  • மருத்துவ உதவி எண் : 104
  • தீயணைப்பு துறை : 101
  • ஆம்புலன்ஸ் உதவிக்கு : 108
  • ஆம்புலன்ஸ் (தேசிய நெடுஞ்சாலைகள்) : 1073
  • குழந்தைகள் நலம் : 1098
  • பாலியல் துன்புறுத்தல் : 1091
  • ரயில்வே உதவி எண் : 1512
TIRUNELVELI WEATHER
Copyright © 2022 Tirunelveli Today | All Rights Reserved.
Top file-emptyusertagcalendar-fullclockmagnifiercrosstext-align-justify