Logo of Tirunelveli Today

அரியநாயகிபுரம் குடிநீர் திட்டத்தின் மூலம் தண்ணீர் வினியோகம்

September 3, 2022
வாசிப்பு நேரம்: 7 நிமிடங்கள்
No Comments

செய்திக்குறிப்புகள்:

  • நெல்லை அரியநாயகிபுரம் குடிநீர் திட்டத்தின் மூலம் ஒரு மாதத்தில் தண்ணீர் விநியோகம் செய்யப்படும் என அமைச்சர் கே. என். நேரு தகவல்.
  • நெல்லையில் பாதாள சாக்கடை திட்ட பணிகள் விரைவில் நிறைவேற்ற , அதற்கான டெண்டர் விட நடவடிக்கை எடுக்கப்படும் என்றும் தெரிவித்தார்.

திருநெல்வேலி மாவட்டம் நெல்லை மாநகராட்சியில் ஒரு மாதத்தில் அரியநாயகிபுரம் குடிநீர் திட்டத்தின் மூலம் தண்ணீர் விநியோகம் வழங்கப்படும் என அமைச்சர் கே.என். நேரு தெரிவித்தார் .

குடிநீர் வழங்கல் துறை மற்றும் நகராட்சி நிர்வாகம் சார்பாக தென்காசியில் தூத்துக்குடி , நெல்லை மாவட்டங்களில் உள்ள நகராட்சி மாநகராட்சி , பேரூராட்சிகளின் வளர்ச்சித் திட்ட பணிகள் குறித்த ஆய்வுக் கூட்டம் நேற்று மாவட்ட ஆட்சியர் அலுவலகத்தில் நடைபெற்றது.

சபாநாயகர் அப்பாவும் தலைமை தாங்கிய இந்த நிகழ்ச்சியில் மாநகராட்சி ஆணையாளர் சிவா கிருஷ்ணமூர்த்தி வரவேற்புரை நிகழ்த்தினார்.

அமைச்சர்கள் ராஜ கண்ணப்பன், கீதாஜீவன்,துரைமுருகன் ஆகியோர் பேசினார்கள்.

நகர்புற வளர்ச்சித்துறை அமைச்சர் கே.என். நேரு குடிநீர் வழங்கல் துறை மற்றும் நகராட்சி நிர்வாக அதிகாரிகளுடன் ஆலோசனை நிகழ்த்தினார் .

அப்பொழுது அவர் தெரிவித்ததாவது;

பாப்பாங்குடி யூனியனில் 17 கிராமங்கள் ஆலங்குளம் யூனியனில் 31 கிராமங்கள் மற்றும் முக்கூடல் பேரூராட்சி பகுதிகளுக்கு ஐம்பதரை கோடி செலவில் கூட்டு குடிநீர் திட்டம் நடைமுறைப்படுத்தப்பட்டு இருக்கிறது. ரூபாய் 46 கோடியே 55 லட்சத்தில் பாப்பாக்குடி கீழப்பாவூர் பேரூராட்சி, கடையம் பகுதிகளை சேர்ந்த 173 கிராமங்களுக்கு கூட்டு குடிநீர் திட்ட பணிகள் 94 சதவீதம் நிறைவடைந்துவிட்டது.

மேலும் மானூர் பாளையங்கோட்டை யூனியன்களில் 170 கிராமங்களுக்கு 32.40 கோடியிலும், ஆலங்குளம் சங்கரன்கோவில் யூனியன்களில் 147 கிராமங்களுக்கு ரூபாய் 31 . 32 கோடியிலும், பாளையங்கோட்டை யூனியன் ரெட்டியார்பட்டி மற்றும் 63 கிராமங்களுக்கு ரூ 28 கோடி 21 லட்சம் மதிப்பில் கூட்டு குடிநீர் திட்டம் செயல்படுத்தப்பட்டு வருகிறது.

நெல்லையில் பாதாள சாக்கடை திட்ட பணிகள் விரைவில் நிறைவேற்ற அதற்கான டெண்டர் விட நடவடிக்கை எடுக்கப்படும் என்றும் தெரிவித்தார்.

நகராட்சி நிர்வாகம் மற்றும் குடிநீர் வழங்கல் துறை கூடுதல் தலைமை செயலாளர் சிவதாஸ் மீனா , பேரூராட்சி ஆணையர் டாக்டர் செல்வராஜ், நகராட்சி நிர்வாக இயக்குனர் பொன்னையா , குடிநீர் வடிகால் வாரிய நிர்வாக இயக்குனர் தட்சிணாமூர்த்தி ஆகியோர் பங்கேற்றனர்

Image source: dailydhanthi.com

செய்தி ஆசிரியர்

பாலாக்ஷிதா

லதா குமார், "பாலாக்க்ஷிதா" என்ற புனைபெயரில் தமிழ் எழுத்தாளராக 5 வருடமாக எழுதி வருகிறார்.

வாழ்க்கையின் மலர்ச்சிக்கும் வளர்ச்சிக்கும் தேவையான கருத்துக்கள் பற்றி விவாதிப்பது, பேசுவது, எழுதுவது என்பவை இவருக்கு மிகவும் பிடித்தவை.
தன்னுடைய நற்கருத்துக்கள் மக்களிடத்தில் நல்ல மாற்றத்தை ஏற்படுத்த வேண்டும் என்பதில் தெளிவு கொண்டு எழுதி, அதில் மனநிறைவும் காண்கிறார்.

தமிழின் மீது உள்ள ஆர்வம் காரணமாக, தமிழகத்தை பூர்வீகமாக கொண்ட வெளிநாடு வாழ் இந்திய குழந்தைகளுக்கு மெய்நிகர் வழி இணைய முகப்பில் ஆன்லைன் தமிழ் பாடங்களை கற்று தருகிறார். இதுவரை நான்கு மின் புத்தகங்கள் அமேசான் கிண்டிலில் எழுதி வெளியிட்டுள்ளார்.

"இனிது இனிது வாழ்க்கை இனிதன்றோ!" எனும் புத்தகத்தை கருத்தாக்கம் செய்து, எழுதி, அச்சிட்டு வெளியிட்டு இருக்கிறார். தமிழ் கோரா இணையதளத்தில் “பாலாக்க்ஷிதா” எனும் பெயரில் நிறைய தமிழ் பதிவுகளும், பலரின் வினாக்களுக்கும், ஐயங்களுக்கும் விடை அளித்தும் வருகிறார்.

இவருடைய பதிவுகளை பரிசீலித்து, தமிழ் கோராவின் உயர் நிர்வாகிகள் சமீபத்தில் இவரை 'தமிழ் கோராவின் சிறந்த எழுத்தாளர்' எனும் அங்கீகாரத்தை கொடுத்து கௌரவித்து உள்ளார்கள். தமிழ் கோராவின் ஒலியோடை பகுதியில் பல ஒலிப்பதிவுகளையும் பேசி, பதிவு செய்து வெளியிட உதவியுள்ளார்.

அனைவருக்கும் பயனுள்ள வகையில் தமிழெனும் அழகிய மொழிதனில் தமிழ் சார்ந்த பதிவுகள் நிறைய எழுத வேண்டும் என்பது இவரது மேலான விருப்பம்.

Leave a Reply

Your email address will not be published. Required fields are marked *

எம்மில் தேடுக
இன்றைய பதிவுகள்

இதையும் படிக்கலாமே..

உதவிக்கு அழைக்க
  • ஆட்சியர் அலுவலகம் : 0462-2501035
  • காவல் கட்டுப்பாட்டு அறை : 100
  • போக்குவரத்து காவல்துறை : 103
  • மருத்துவ உதவி எண் : 104
  • தீயணைப்பு துறை : 101
  • ஆம்புலன்ஸ் உதவிக்கு : 108
  • ஆம்புலன்ஸ் (தேசிய நெடுஞ்சாலைகள்) : 1073
  • குழந்தைகள் நலம் : 1098
  • பாலியல் துன்புறுத்தல் : 1091
  • ரயில்வே உதவி எண் : 1512
TIRUNELVELI WEATHER
Copyright © 2024 Tirunelveli Today | All Rights Reserved. Powered by Digital SEO
Top file-emptyusertagcalendar-fullclockmagnifiercrosstext-align-justify